កន្លែងកម្សាន្តជាច្រើន ក្លិបកីឡា និងរោងកុន បើកស្វាគមន៍អតិថិជនវិញហើយ នៅផ្សារទំនើបអុីអន ម៉ល សែនសុខ ស៊ីធី
- 2021-11-14 00:30:00
- ចំនួនមតិ 0 | ចំនួនចែករំលែក 0
កន្លែងកម្សាន្តជាច្រើន ក្លិបកីឡា និងរោងកុន បើកស្វាគមន៍អតិថិជនវិញហើយ នៅផ្សារទំនើបអុីអន ម៉ល សែនសុខ ស៊ីធី
ចន្លោះមិនឃើញ
តែប៉ុណ្ណេះលែងអផ្សុកហើយ ជាពិសេសថ្ងៃចុងសប្តាហ៍!
កន្លែងកម្សាន្ត កន្លែងលេងកីឡា កន្លែងក្មេងលេង កន្លែងសូណា និងស្ប៉ា រួមទាំងរោងភាពយន្ត នៅផ្សារទំនើបអុីអន ម៉ល សែនសុខ ស៊ីធី កំពុងតែបើកដំណើរការឡើងវិញហើយ ដើម្បីបង្កើតភាពរីករាយ ដល់អតិថិជនរបស់ខ្លួនជាថ្មី ក្រោយពីបានផ្អាកមួយរយៈដោយសារតែបញ្ហាកូវីដ ១៩។
ក្រោយពីការចាត់វិធានការទាន់ពេលវេលា និងការអនុវត្តន៍យុទ្ធនាការចាក់វ៉ាក់សាំងការពារវីរុសកូវីដ ១៩ យ៉ាងទូលំទូលាយទូទាំងប្រទេសរបស់រាជរដ្ឋាភិបាល ទីបំផុត កម្ពុជា កំពុងតែធ្វើដំណើរវិលទៅរកភាពល្អប្រសើរវិញ ស្របពេលដែលបញ្ហានៃការឆ្លងក៏ហាក់ស្ថិតក្នុងគ្រប់គ្រងយ៉ាងល្អផងដែរ។
ជាមួយគ្នានេះ ដោយសារតែស្ថានភាពហាក់កំពុងតែវិលទៅរកភាពធម្មតាវិញ អាជីវកម្មតូច-ធំជាច្រើន ត្រូវបានរដ្ឋាភិបាលកម្ពុជា អនុញ្ញាតឲ្យបើកដំណើរការឡើងវិញ ក្នុងនោះរាប់បញ្ចូលទាំងកន្លែងកម្សាន្តនានា នៅផ្សារទំនើបអុីអន ម៉ល សែនសុខ ស៊ីធី ផងដែរ។
នៅពេលនេះ លោកអ្នកអាចនាំកូនៗ ក្រុមគ្រួសារ ក៏ដូចជាមិត្តភក្តិ ទៅដើរលេងកម្សាន្ត ដើម្បីកែអផ្សុកពីការសិក្សា និងការងារ នៅកន្លែងជាច្រើនដូចជា កន្លែងលេងហ្គេម Dream Games កន្លែងក្មេងលេង Kids Zoona, Kids Park, Train World និង Fun Square ជាដើម។ មិនត្រឹមតែប៉ុណ្ណោះ អ្នកដែលចូលចិត្តទស្សនាខ្សែភាពយន្តល្បីៗ នៅពេលទំនេរ ក៏ទទួលបានព័ត៌មានដ៏គួរឲ្យរីករាយផងដែរ ខណៈដែលរោងកុន Major Cineplex នៅផ្សារទំនើបអុីអន ម៉ល សែនសុខ ស៊ីធី បើកដំណើរការឡើងវិញហើយ។
លោកអ្នកក៏អាចទៅលេងកីឡានៅ Blu-O និង GUNZE Sports ដើម្បីបង្កើនសុខភាពផ្លូវកាយ និងផ្លូវចិត្តរបស់អ្នកឲ្យល្អប្រសើរមួយកម្រិតទៀត ក៏ដូចជា ធ្វើដំណើរទៅស្ប៉ា នៅ THE SenseSpa ផងដែរ។
ជាមួយគ្នានេះ ផ្សារទំនើប អុីអន ម៉ល សែនសុខ ស៊ីធី នៅតែមិនភ្លេចក្នុងការផ្តល់ជូនប្រូម៉ូសិនឡើយ ដោយចាប់ពីថ្ងៃទី១៥ ដល់ទី២៩ ខែវិច្ឆិកា ឆ្នាំ២០២១ រាល់ការចំណាយនៅកន្លែងកម្សាន្តនៅផ្សារទំនើបអុីអន ម៉ល សែនសុខ ស៊ីធី នឹងទទួលបាន Coupon ភ្លាមៗពីបណ្តាទីកន្លែងកម្សាន្តជាច្រើននៅ ក៏ដូចជាលើមុខទំនិញពីហាងល្បីៗដ៏សម្បូរបែប សម្រាប់អតិថិជន ក្នុងពេលបើកឲ្យដំណើរការឡើងវិញនេះ។ លើសពីនេះទៅទៀត លោកអ្នកក៏អាចទទួលបទពិសោធជាពិសេស នៅហាងទើបបើកថ្មី FILA និងសាកល្បងភ្លក្សរសជាតិតែជាច្រើនប្រភេទនៅហាងតែ TWG Tea។
ហេតុនេះ នៅចាំអីទៀត? បានទាំងប្រ៉ូសិនបញ្ចុះតម្លៃដ៏ច្រើន បានទាំងសប្បាយ នៅផ្សារទំនើបអុីអន ម៉ល សែនសុខ ស៊ីធី៕
ដើម្បីដឹងកាន់តែច្បាស់ទៀតពីព័ត៌មាននានា កម្មវិធីប្រូម៉ូសិនផ្សេងៗ ក៏ដូចជាកម្មវិធីកម្សាន្តនានា សូមចូលទៅកាន់ផេក Facebook៖ Aeon Mall Sen Sok City
ឬវេបសាយ៖ aeonmall-sensokcity.com