ពិធីចុះហត្ថលេខាលើអនុស្សរណៈយោគយល់ រវាង បុរី ឌឹ ផ្លរ៉ា (The Flora ) នាំយកសណ្ឋាគារលំដាប់ផ្កាយ4 Mercure Phnom Penh Beung Keng Kong1 ទិសដៅជួយសម្រួលដល់សេដ្ឋកិច្ចប្រទេសកាន់តែល្អថែមមួយកម្រិតទៀត

កាលពីព្រឹកថ្ងៃទី ២៨ ខែតុលា ឆ្នាំ២០២២នេះ បុរី ឌឹ ផ្លរ៉ា (The Flora ) និង ក្រុមហ៊ុន (ACCOR) បានប្រារព្ធពិធីចុះហត្ថលេខាលើអនុស្សរណៈយោគយល់ MOU នៅសណ្ឋាគារ SOFITEL PHNOM PENH ។ ពិធីចុះហត្ថលេខានេះ ធ្វើឡើងក្នុងគោលបំណង ដើម្បីនាំយកសណ្ឋាគារ Mercure Phnom Penh Beung Keng Kong1 មកកាន់តំបន់សេដ្ឋកិច្ចពិសេសខ្ពស់ដាច់គេ បឹងកេងកង។

ការចុះកិច្ចព្រមព្រៀងអនុស្សរណៈនៃការយោគយល់ នេះត្រូវបានធ្វើឡើងក្រោមការចូលរួមពីសំណាក់ លោកឧកញ៉ា លឹម ចាំងស្រ៊ុន ប្រធានក្រុមប្រឹក្សាភិបាល ក្រុមហ៊ុន ឌឹ ផ្លរ៉ា លោកឧកញ៉ា លឹម កុកឡុង អគ្គនាយក ក្រុមហ៊ុន ឌឹ ផ្លរ៉ា និងតំណាងក្រុមហ៊ុន ACCOR លោក Andrew Langdon ប្រធានទទួលបន្ទុកផ្នែកអភិវឌ្ឍក្រុមហ៊ុន ACCOR និង លោក Ianic Menard នាយកប្រតិបត្តិរងក្រុមហ៊ុន ACCOR ប្រចាំនៅថៃ ឡាវ កម្ពុជា និងមីយ៉ាន់ម៉ា ព្រមទាំងមានការចូលរួមពីសំណាក់ថ្នាក់ដឹកនាំគ្រប់ជាន់ថ្នាក់នៃក្រុមហ៊ុនទាំងពីរ និងភ្ញៀវកិត្តិយសជាច្រើនរូបផងដែរ។

អគ្គនាយក ក្រុមហ៊ុន ឌឹ ផ្លរ៉ា លោកឧកញ៉ា លឹម កុកឡុង ថ្លែងក្នុងពិធីចុះហត្ថលេខាលើអនុស្សរណៈយោគយល់ ថា កត្តាដែលជំរុញ ក្រុមហ៊ុន ឌឹ ផ្លរ៉ា Investment សម្រេចចិត្តទៅលើការសហការជាមួយក្រុមហ៊ុន Accor គឺមានច្រើន ប៉ុន្តែលោកសូមផ្ដោតទៅលើកត្តាសំខាន់ៗធំ២នោះគឺ៖

ទី១. Accor គឺជាក្រុមហ៊ុនធំមួយដែលត្រូវបានទទួលស្គាល់ជាសាធារណះ តាមរយះការផ្គត់ផ្គង់សណ្ឋាគារដែលមានស្លាកយីហោល្បីៗជាច្រើននៅលើពិភពលោក នឹងនៅក្នុងប្រទេសកម្ពុជា បច្ចុប្បន្នមានដូចជា Raffle, Sofitel ហើយនិង Mercure Phnom Penh Beung Keng Kong1 ដែលត្រូវបានចុះ ហត្ថលេខានេះផងដែរ។ ទីតាំងរបស់សណ្ឋាគារ Mercure Phnom Penh Beung Keng Kong 1 ស្ថិតនៅលើផ្លូវ៧១ សង្កាត់បឹងកេងកង១ ជាប់និងខុន ដូ ឌឹ ផ្លរ៉ា ស្វីត នេះតែម្តង។

ទី២. យើងសង្ឃឹមយ៉ាងមុតមាំថាការនាំយក សណ្ឋាគារ Mercure Phnom Penh Beung Keng Kong1 នេះមកកាន់ប្រទេសកម្ពុជាគឺជាផ្នែកមួយដ៏ធំ ដើម្បីជួយដល់សេដ្ឋកិច្ចប្រទេសកាន់តែល្អថែមមួយកម្រិតទៀត ព្រមជាមួយនឹងការសាងសង់ព្រលានយន្តហោះថ្មីដែលនឹងត្រូវបញ្ចប់ក្នុងពេល ឆាប់ៗខាងមុខនេះ។

ជាមួយគ្នានេះ លោក Ianic Menard ជានាយកប្រតិបត្តិរងក្រុមហ៊ុន Accor ប្រចាំនៅថៃ ឡាវ កម្ពុជា និងមីយ៉ាន់ម៉ា បានថ្លែងផងដែរថា Accor គឺជាក្រុមហ៊ុនបដិសណ្ឋារកិច្ចឈានមុខគេលើពិភពលោកដែលមានអចលនទ្រព្យចំនួន ៥,៣០០ នៅទូទាំង ១១០ ប្រទេស។ ក្រុមហ៊ុននេះមានប្រព័ន្ធអេកូបដិសណ្ឋារកិច្ចចម្រុះ និងរួមបញ្ចូលគ្នាយ៉ាងពេញលេញបំផុតមួយរបស់ឧស្សាហកម្មនេះ ពីសណ្ឋាគារ និងរមណីយដ្ឋាន ភោជនីយដ្ឋាន និងបារ កន្លែងកម្សាន្ត លំនៅដ្ឋានឯកជនដែលមានម៉ាកយីហោ និងច្រើនទៀត។ ជាមួយនឹងផលប័ត្រម៉ាកយីហោដែលមិនអាចប្រៀបផ្ទឹមបាននៃម៉ាកសណ្ឋាគារជាង ៤០ នៅគ្រប់ផ្នែកទាំងអស់ ចាប់ពីប្រណីតភាព កម្រិតមធ្យម បុព្វលាភ និងសេដ្ឋកិច្ច រហូតដល់របៀបរស់នៅដោយ Accor ប្រើប្រាស់ភាពខ្លាំង និងភាពប្លែកពីគេនីមួយៗ ដើម្បីផ្តល់បទពិសោធន៍ពិសេសដល់ភ្ញៀវរបស់ខ្លួន និងបង្កើនការបង្កើតតម្លៃសម្រាប់ដៃគូរបស់ខ្លួន។

នៅអាស៊ីអាគ្នេយ៍ Accor គឺជាប្រតិបត្តិករសណ្ឋាគារអន្តរជាតិធំជាងគេដែលមានសណ្ឋាគារជាង ៣៧០ នៅទូទាំង១៩ម៉ាក ក្នុង ១២ ប្រទេស។ នៅក្នុងប្រទេសកម្ពុជា បច្ចុប្បន្នយើងដំណើរការសណ្ឋាគារចំនួន ៦ ក្រោមម៉ាកយីហោចំនួន ៤ នៅទូទាំងរាជធានីភ្នំពេញ និងខេត្តសៀមរាប។

Mercure ភ្នំពេញ បឹងកេងកងទី១ នឹងក្លាយជា Mercure ដំបូងគេនៅកម្ពុជា។ Mercure គឺជាម៉ាកសណ្ឋាគារលំដាប់ថ្នាក់អន្តរជាតិលំដាប់មធ្យមពិភពលោកដែលល្បីល្បាញ និងគួរឱ្យទុកចិត្ត ដែលមានសណ្ឋាគារជាង ៨០០ នៅទូទាំង ៦០ ប្រទេស និងអចលនទ្រព្យចំនួន ៦២ នៅអាស៊ីអាគ្នេយ៍។ លោក Ianic Menard បន្ថែមថា យើងមានក្តីរំភើបជាខ្លាំងក្នុងការណែនាំអំពីគំនិតនៃសណ្ឋាគារដែលបំផុសគំនិតក្នុងស្រុកដែលផ្តល់នូវអារម្មណ៍នៃទីកន្លែងតាមរយៈការរចនា អាហារ និងភេសជ្ជៈ និងបទពិសោធន៍ក្នុងមូលដ្ឋាន ដែលអនុញ្ញាតឱ្យភ្ញៀវអាចជ្រួតជ្រាបក្នុងទិសដៅទៅកាន់ប្រទេសកម្ពុជា។

សូមជម្រាបថា ក្រុមហ៊ុន ឌឹ ផ្លរ៉ា នេះបានចាប់ផ្ដើមបង្កើតឡើងនៅថ្ងៃទី ០១ ខែ កញ្ញា ឆ្នាំ ២០១៥ ហើយបើគិត មកដល់ពេលបច្ចុប្បន្ននេះមានរយៈពេល៧ឆ្នាំហើយ។ គិតមកដល់ពេលបច្ចុប្បន្នក្រុមហ៊ុននេះ មានក្រុមហ៊ុនដែលជាបុត្រសម្ព័ន្ធចំនួន៥ បុរី ឌឹផ្លរ៉ា ខុនដូ ឌឹ ផ្លរ៉ាស្វីត ផ្សារទំនើប ឌឺ ផ្លរ៉ា ស្វ៊ែរ ផ្សារទំនើប The Almond Supermarket និងសណ្ឋាគារ Mercure Phnom Penh Beung Keng Kong 1 ដែលយើងកំពុងចុះហត្ថលេខានេះស្រាប់ផងដែរ៕