ហាង Pong យីហោបង្កើតដោយកូនខ្មែរ និង Ox Club សហការគ្នាដើម្បីបង្កើតមុខម្ហូបបែបព្រីមៀម ក្នុងតម្លៃសមរម្យ

2021-12-25 06:31:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងអាហារ Fast Food និងភេសជ្ជៈ Pong ដែលជាយីហោថ្មីបង្កើតឡើងដោយកូនខ្មែរ និង Ox Club Restaurant ដែលជាប្រភេទភោជនីយដ្ឋានបម្រើម្ហូបអាហារឆ្ងាញ់ និងប្រណីត (Fine Dining) បានសហការគ្នា ដើម្បីបង្កើតមុខម្ហូបពិសេសបែបព្រីមៀម ក្នុងគោលបំណងបម្រើជូនអតិថិជន ដែលចង់ស្វែងរកអាហារឆ្ងាញ់ និងប្លែកមាត់ ជាមួយដៃគូ និងក្រុមគ្រួសារ ដើម្បីសាកល្បង។

មិនត្រឹមតែប៉ុណ្ណោះ ហាង Pong ក៏មានគោលបំណងក្នុងការបង្ហាញពីស្នាដៃនៃការធ្វើម្ហូបដែលមានគុណភាពខ្ពស់ និងមានរសជាតិឆ្ងាញ់ ដើម្បីបំរើជូនអតិថិជនរបស់ខ្លួនបានភ្លក្សរសជាតិម្ហូបដ៏ប្លែកមាត់ ក្រៅពីមុខម្ហូបដែលមានស្រាប់របស់ខ្លួន។

កិច្ចសហប្រតិបត្តិការណ៍នេះ នឹងនាំឲ្យហាង Pong និង Ox Club ដែលស្ថិតក្រោមការគ្រប់គ្រងរបស់ក្រុមហ៊ុន Ubiex តែមួយ រួមគ្នាបង្កើតមុខម្ហូបបៀបពី្រមៀមចំនួន៤មុខ ដែលផ្សំឡើងពីគ្រឿងផ្សំមានតម្លៃថ្លៃជាច្រើនប្រភេទ ដូចជាពងត្រី Caviar និង Truffle ដែលសុទ្ធសឹងប្រើប្រាស់ជាមួយមុខម្ហូបពិសេសៗ។

មុខម្ហូបទាំង៤មុខនោះ រួមមាន Caviar & Truffle Chicken Sandger, Buttermilk Chicken Truffle Sandger, Buttermilk Chicken Truffle Sauce និង Caviar & Truffle Chicken ខណៈដែលការរួមគ្នាដើម្បីផ្តល់ជូនមុខម្ហូបពិសេស ឬ Premium Menu នេះ មានរយៈពេលត្រឹមតែ៧ថ្ងៃប៉ុណ្ណោះ ពោលគឺចាប់ពីថ្ងៃទី២២ ខែធ្នូ រហូតដល់ថ្ងៃទី២៩ ខែធ្នូ ឆ្នាំ២០២១។

ក្រៅពីផ្តល់ជូនម្ហូបអាហារបែប Fast Food មានរស់ជាតិប្លែកមាត់ និងមានគុណភាពខ្ពស់ ហៅថា Sandger ដែលជាការលាយបញ្ជូលគ្នារវាងសាំងវិច និងបឺហ្គឺជាច្រើនមុខ ហាង Pong ក៏មានបម្រើជូនភេសជ្ជៈជាច្រើនប្រភេទ ដែលផ្សំពីផ្ការុក្ខជាតិ និងគ្រឿងធម្មជាតិជាច្រើន ជាពិសេសក៏មានការបម្រើជូននូវភេសជ្ជៈក្រឡុក ឬ Mocktail ដែលគ្មានជាតិស្រវឹង និងក្រឡុកដោយអ្នកជំនាញយ៉ាងប៉ិនប្រសព្វមកពីប្រទេសម៉ាល់ឌីវ ផងដែរ។

ទាក់ទងនឹងការរួមគ្នាបង្កើតមុខម្ហូបពិសេសនេះ លោកស្រី ឃឹម មុនីរតន៍ ដែលជាស្ថាបនិកហាងអាហារ Fast Food និងភេសជ្ជៈ Pong Cambodia បានប្រាប់ Sabay ថា៖ «ក្នុងនាមជាហាងដែលស្ថិតក្រោមក្រុមហ៊ុន Ubiex តែមួយ យើងសម្លឹងឃើញថា ទីផ្សារកម្ពុជា មិនទាន់មានការបម្រើជូនអាហារប្រភេទ Fast Food ដែលមានគុណភាពខ្ពស់ខ្លាំងនៅឡើយទេ ទើបយើងបង្កើតមុខម្ហូបបែបពី្រមៀមនេះឡើង ដោយមុខម្ហូបនីមួយៗ សុទ្ធសឹងចម្អិនពីគ្រឿងផ្សំដែលមានតម្លៃថ្លៃ ដូចជាពងត្រី Caviar និង Truffle ជាដើម»។

លោកស្រីបានបន្ថែមទៀតថា៖ «ដោយសារតែ Pong ជាហាង Fast Food ហើយ Ox Club ជាភោជនីយដ្ឋានបម្រើម្ហូបអាហារឆ្ងាញ់ និងប្រណីត ហេតុនេះ យើងចង់បង្កើតមុខម្ហូបរួមគ្នាមួយ ដែលចម្អិនពីគ្រឿងផ្សំថ្លៃៗ ប៉ុន្តែ លក់ជូនក្នុងតម្លៃសមរម្យ ដើម្បីអនុញ្ញាតឲ្យបងប្អូនយើងអាចភ្លក្សមុខម្ហូបបែបនេះបាន។ ប៉ុន្តែ ការផ្តល់ជូននេះ មានរយៈពេលតែ១សប្តាហ៍ប៉ុណ្ណោះ»។

ក្រោយពីរយៈពេលត្រឹមតែ១ឆ្នាំ ចាប់តាំងពីបើកដំណើរការ Pong ដែលជាហាងអាហារ Fast Food ខ្មែរ និងមានភាពល្បីល្បាញលើប្រភេទអាហារ «Sandger (ការបញ្ចូលគ្នារវាងសាំងវិច និងប៊ឺហ្គឺ)» បច្ចុប្បន្ន មានសាខាចំនួន៦កន្លែងហើយទូទាំងប្រទេស ស្របពេលដែលសាខាថ្មីចំនួន៣ទៀត កំពុងតែសាងសង់ ដោយសាខាទី៩ នឹងត្រូវបើកនៅត្រឹមខែកុម្ភៈ ឆ្នាំក្រោយ។

នៅត្រឹមចុងឆ្នាំ២០២២ ហាង Pong មានបំណងពង្រីកឲ្យបានហាងសរុបចំនួន២០កន្លែងទូទាំងកម្ពុជា ហើយនៅខែកុម្ភៈ ហាងអាហារ Fast Food ខ្មែរមួយនេះ ក៏អាចបង្ហាញខ្លួននៅក្នុងប្រទេសថៃផងដែរ។លើសពីនេះទៅទៀត ហាង Pong ក៏មានការលក់ហ្វ្រេនឆាយបន្តផងដែរ។

ចំណុចពិសេសរបស់ហាង Fast Food និងភេសជ្ជៈដែលបង្កើតឡើងដោយកូនខ្មែរមួយនេះ គឺការបម្រើជូនម្ហូបអាហារដែលមានគុណភាពខ្ពស់ និងមានការសម្រិតសម្រាំងជាពិសេស ខណៈដែលរាល់មុខម្ហូបទាំងអស់របស់ ពង សុទ្ធសឹងចម្អិនដោយមេចុងភៅ ដែលមកពីភោជនីដ្ឋានលំដាប់ផ្កាយ៥នៅកម្ពុជា។ នេះបើយោងទៅតាមការបញ្ជាក់របស់ម្ចាស់ហាងផ្ទាល់គឺអ្នកស្រី ឃឹម មុនីរតន៍។

ចង់ដឹងច្បាស់ លោកអ្នកអាចទៅសាកល្បងភ្លក្សរសជាតិអាហារ និងភេសជ្ជៈនៅហាង ពង សាខាមួយណាក៏បានដែលនៅជិត ឬទាក់ទងតាមរយៈលេខទូរសព្ទ៖ 015 459 222៕

សម្រាប់ព័ត៌មានបន្ថែមទាក់ទងនិងការលក់ហ្វ្រេនឆាយ សូមទំនាក់ទំនងមកកាន់លេខ៖ 015 478 222

ឬតាមផេក Facebook៖ Pong Cambodia